سابق فاسٹ بولر محمد عامر کا کہنا ہے کہ محمد رضوان کی کپتانی ‘فراری‘ سے ’رکشے‘ میں بدل گئی ہے۔
نجی ٹی سے گفتگو کرتے ہوئے سابق فاسٹ بولر محمد عامر نے کہا کہ وہ ڈومیسٹک کرکٹ اور پاکستان سپر لیگ کے دوران وکٹ کیپر بلے باز رضوان کی کپتانی کی تعریف کرتے تھے لیکن انہوں نے فیصلہ سازی کی صلاحیتوں میں تبدیلی کو نوٹ کیا جو ان کے انتخاب کو غیرمعمولی بناتی تھی۔
انہوں نے مسکراتے ہوئے کہا کہ محمد رضوان اب آپ فراری سے رکشے میں چلے گئے ہیں۔
محمد عامر نے کہا کہ ان کی فیصلہ سازی مکمل طور پر بدل گئی مجھے یقین نہیں ہے کہ اس تبدیلی کی وجہ کیا ہے کیونکہ میں اس مدت کے دوران ان کے ساتھ ڈریسنگ روم میں نہیں رہا۔
انہوں نے کہا کہ امید تھی کہ رضوان اپنی قیادت کے ساتھ ٹیم میں مثبت تبدیلی لائیں گے، عامر نے اس بات کو مسترد کیا کہ کھلاڑیوں کے انتخاب میں کپتان کا اختیار نہیں ہوتا۔
سابق فاسٹ بولر نے کہا کہ اگر رضوان کا دعویٰ ہے کہ اسے انتخاب کا کوئی اختیار نہیں تو یہ مکمل طور پر دست نہیں، وہی اثر و رسوخ جس نے انہیں کپتان بننے میں مدد فراہم کی تھی اسے ٹیم کی تشکیل کے لیے استعمال کیا جاسکتا تھا لیکن انہوں نے یہ قدم کیوں نہیں اٹٓھایا سمجھ سے بالاتر ہے۔
