دورہ آئرلینڈ کے لیے قومی ٹیم کے فاسٹ بولر محمد عامر کو ویزہ جاری کردیا گیا ہے۔
اے آر وائی نیوز کے مطابق فاسٹ بولر محمد عامر ایک سے دو روز میں آئرلینڈ کے لیے روانہ ہوں گے، وہ ابتدائی ٹی 20 میں ٹیم کو دستیاب نہیں ہوں گے۔
محمد عامر آئرلینڈ کے خلاف جمعہ کو شیڈول پہلے ٹی 20 میچ سے باہر ہوگئے۔
- Advertisement -
واضح رہے کہ ویزے کی وجہ سے محمد عامر ٹیم کے ہمراہ آئرلینڈ روانہ نہیں ہوسکے تھے۔
32 سالہ عامر نے گزشتہ ماہ نیوزی لینڈ کے خلاف ٹی 20 سیریز کے دوران چار سال بعد انٹرنیشنل کرکٹ میں واپسی کی جہاں انہوں نے چار میچز میں قومی ٹیم کی نمائندگی کی انہیں آئرلینڈ اور انگلینڈ کے خلاف ٹی 20 سیریز کے لیے پاکستانی ٹیم میں شامل کیا گیا۔
پی سی بی کرکٹ آئرلینڈ کے ساتھ مسلسل رابطے میں تھا کیونکہ بورڈ کا خیال تھا کہ ویزے کے بروقت اجرا کو یقینی بنانا میزبانوں کی ذمہ داری ہے۔
