The news is by your side.

Advertisement

محمد حفیظ کو ریٹائرمنٹ کے بعد نئی ذمہ داری مل گئی

قومی ٹیم کے سابق کپتان محمد حفیظ نے ریٹائرمنٹ کے بعد نئی ذمہ داری سنبھال لی۔

تفصیلات کے مطابق قومی ٹیم کے سابق آل راؤنڈر محمد حفیظ نئی ذمہ داری ملنے پر کافی خوش دکھائی دے رہے ہیں جس کا اظہار انہوں نے سماجی رابطے کی ویب سائٹ ٹویٹر پر بھی کیا۔

محمد حفیظ نے ٹویٹر پر لکھا کہ ’بچوں کو اسکول پہنچانا شروع کردیا ہے، ریٹائرمنٹ کے بعد اپنی پہلی اسائنمنٹ بہت اچھی لگ رہی ہے۔‘

واضح رہے کہ پی ایس ایل 7 میں محمد حفیظ نے لاہور قلندرز کی نمائندگی کی اور سلطانز کے خلاف فائنل میچ میں آل راؤنڈر کارکردگی پر انہیں میچ کا بہترین کھلاڑی قرار دیا گیا تھا۔

یاد رہے کہ 55 ٹیسٹ 218 ون ڈے اور 119 ٹی 20 کھیلنے والے آل راؤنڈر محمد حفیظ نے کچھ عرصہ قبل بین الا قوامی کرکٹ سے ریٹائرمنٹ کا اعلان کردیا تھا۔

Comments

یہ بھی پڑھیں