قومی ٹیم کے وکٹ کیپر بیٹر محمد رضوان نے گال ٹیسٹ میں سری لنکا کیخلاف بنایا جانے والا پلان شیئر کردیا۔
گزشتہ روز پاکستان نے 2 ٹیسٹ میچوں کی سیریز کے پہلے میچ میں سری لنکا کو دلچسپ مقابلے کے بعد 4 وکٹوں سے شکست دی تھی۔
قومی ٹیم کی جیت میں عبداللہ شفیق کی 408 گیندوں پر 160 رنز کی اننگز نے اہم کردار ادا کیا اور وہ میچ کے بہترین کھلاڑی بھی قرار پائے تھے۔
اب سماجی رابطے کی ویب سائٹ ٹویٹر پر محمد رضوان نے میچ کے تیسرے دن کے قومی ٹیم کا گیم پلان شیئر کیا ہے۔
رضوان نے وائٹ بورڈ کی ایک تصویر شیئر کی جس پر ٹیم کی کامیابی کے تین اہم عوامل تحریر کیے گئے ہیں۔
قومی ٹیم وائٹ بورڈ پر لکھی تین چیزوں کو یاد رکھ کر سری لنکا کے خلاف تاریخی فتح حاصل کرنے میں کامیاب رہی: "یقین رکھو، موجودہ لمحے میں جیو، اور مثبت ارادہ”۔
Pakistan ko Mubarak ho! This team has many superstars and they give their all for our beloved Pakistan.
This is from day 3 – our game plan in this historic chase. Lets give it to @Saqlain_Mushtaq, Shahid Aslam, @yousaf1788 bhai & entire management for this motivation & yaqeen. pic.twitter.com/HQYGwWPAsl
— Muhammad Rizwan (@iMRizwanPak) July 20, 2022
رضوان نے لکھا کہ جیت پاکستان کو مبارک ہو، اس ٹیم میں بہت سے سپر اسٹارز ہیں اور وہ اپنا سب کچھ ملک کے لیے قربان کردیتے ہیں یہ تیسرے دن کا گیم پلان ہے اس تاریخی ہدف میں ہمارا گیم پلان یہی تھا۔
واضح رہے کہ پاکستان اور سری لنکا کے درمیان دوسرا اور آخری ٹیسٹ 24 جولائی کو کھیلا جائے گا، قومی ٹیم کو سیریز میں 1-0 کی برتری حاصل ہے۔
