قومی کرکٹ ٹیم کے وکٹ کیپر بلے باز محمد رضوان نے عوام سے اپیل کی ہے کہ وہ رمضان کے مقدس مہینے میں اپنی زکوٰۃ وصدقات شاہد آفریدی فاؤنڈیشن کو دیں۔
اس حوالے سے محمد رضوان نے سوشل میڈیا کا سہارا لیا ہے اور سماجی رابطوں کی ویب سائٹ ایکس پر اپنے ذاتی اکاؤنٹ بیان جاری کیا ہے جس میں وہ لکھتے ہیں کہ رمضان سخاوت کا مہینہ ہے جس میں ہمارے اقدام کسی کی زندگی بدل سکتے ہیں۔
قومی بیٹر نے مزید لکھا ہے کہ ضرورت مندوں کی مدد کے لیے اپنی زکوٰۃ اور صدقہ شاہد آفریدی فاؤنڈیشن کو بھیجیں۔
آخر میں انہوں نے دعائیہ پیغام میں لکھا ہے کہ اللہ تعالیٰ آپ کے اور آپ کے چاہنے والوں کے لیے آسانیاں پیدا فرمائے۔
