انگلینڈ کے لیے کم ہدف کا حصول مشکل بنانے والے پاکستانی بولنگ اٹیک کو دنیا بھر سے زبردست پذیرائی مل رہی ہے۔
سابق و موجوہ کرکٹرز، ماہرین اور فینز پاکستانی فاسٹ بولنگ اٹیک کو شاندار قرار دیتے ہوئے ان کی تعریف کر رہے ہیں۔
خطرناک پیس اسٹیک پاکستانی ٹیم کی اسٹرنتھ ہے اور یہی وجہ ہے کہ نوجوان بولرز پر مشتمل بولنگ اٹیک کامیابی میں اہم کردار ادا کر رہا ہے۔
سیمی فائنل میں بھارت کے خلاف 10 وکٹوں سے کامیابی سمیٹنے والی انگلینڈ ٹیم جب فائنل میں پاکستان کا 138 رنز کا چھوٹا ہدف چیز کرنے آئی تو ایسا محسوس ہوتا تھا کہ ان فارم بیٹنگ لائن کے سامنے بولنگ اٹیک خاطر خواہ کارکردگی نہیں دکھا پائے گا۔
Congratulations @ECB_cricket @josbuttler A well deserved win for England in #T20WorldCupFinal . @benstokes38 played a brilliant innings. Some great bowling by @TheRealPCB pic.twitter.com/xLhrK8zglB
— 𝕸𝖔𝖍𝖆𝖒𝖒𝖆𝖉 𝖘𝖍𝖆𝖒𝖎 (@MdShami11) November 13, 2022
ایسے میں بولرز نے بلے بازوں کو ناکو چنے چبوا دیے اور میچ پھسا دیا تاہم شاہین آفریدی کے انجرڈ ہونے کے بعد پانسہ پلٹ دیا۔
بھارتی ٹیم کے تجربہ کار فاسٹ بولر محمد شامی بھی پاکستانی بولنگ کی تعریف کیے بغیر نہ رہ سکے اور ایک جانب انگلینڈ کو مبارکباد دی تو ساتھ ہی گرین شرٹس کے بولنگ اٹیک زبردست قرار دیا۔
فاتح ٹیم کی تصویر شیئر کرتے ہوئے محمد شامی نے ٹوئٹر پر کہا کہ انگلینڈ ٹیم اس ٹرافی کی حقدار تھی اور بین اسٹوکس نے زبردست اننگز کھیلی، پاکستان کی جانب سے بھی زبردست بولنگ کی گئی۔
