قومی ٹیم کے سابق کپتان اور مایہ ناز بلے باز محمد یوسف کی شاندار بیٹنگ کرنے والے بچے سے ملاقات ہوگئی۔
سماجی رابطے کی ویب سائٹ ٹویٹر پر دو دن قبل محمد یوسف نے بچے کی ویڈیو شیئر کی تھی جس میں وہ جارحانہ انداز میں بیٹنگ کررہا اور انہوں نے بیٹںگ پسند کرتے ہوئے بچے کا رابطہ نمبر مانگنے میں صارفین کی مدد طلب کی تھی۔
اب سے کچھ دیر قبل محمد یوسف نے بچے کی ویڈیو شیئر کی جس میں وہ اسے ٹپس دیتے ہوئے دکھائی دے رہے ہیں اور بچہ بھی نیٹ میں پریکٹس کررہا ہے۔
دودن پہلےبچہ کی ویڈیوپوسٹ کی تھی،آپ سب کاشکریہ،آج اس سےملاقات ہوگئی،اس بچہ کی اتنی چھوٹی سی عمرمیں بیٹ سپیڈ،
hand eye coordination
اچھی تھی۔مگرہم نےاپنےبچوں کووہ چیزیں سکھانی کہ آگےچل کروہ ہرفارمیٹ کھیل سکے۔بچوں کی حوصلہ افزائی بہت ضروری ہے۔یہی بچے آگےچل کرملک کانام روشن کریں گے pic.twitter.com/j0kubg1WyO— Mohammad Yousaf (@yousaf1788) August 9, 2022
محمد یوسف نے ویڈیو شیئر کرتے ہوئے کیپشن میں لکھا کہ ’دو دن پہلے بچے کی ویڈیو پوسٹ کی تھی، آپ سب کا شکریہ آج اس سے ملاقات ہوگئی ہے اس بچہ کی اس چھوٹی سی عمر میں بیٹ اسپیڈ شاندار ہے۔
انہوں نے مزید لکھا کہ ’مگر ہم نے اپنے بچوں کو وہ چیزیں بھی سکھانی ہیں کہ آگے چل کر وہ تمام فارمیٹ کھیل سکیں کیونکہ بچوں کی حوصلہ افزائی بہت ضروری ہے آگے چل کر یہی بچے ملک کا نام روشن کریں گے۔
اس بچہ کو کوئی جانتا ہے؟ اگر کسی کے پاس اس کا کانٹیکٹ نمبر یا ڈیٹیل ہو تو ضرور بھیجیں۔جزاک اللہ pic.twitter.com/PbjjzK8fnm
— Mohammad Yousaf (@yousaf1788) August 6, 2022
