تحریک انصاف کے رہنما فوادچوہدری نے مولانا فضل الرحمان کو فوری ماہرِ نفسیات سے رجوع کرنے کا مشورہ دے دیا۔
ٹوئٹر پر ردعمل دیتے ہوئے فوادچوہدری نے لکھا کہ فضل الرحمان صاحب سے گزارش ہے فوری طور پر کسی ماہر نفسیات سے مشورہ کریں اعصابی تناؤ میں کمی کی دوائیاں لیں۔
فواد چوہدری نے کہا کہ آنکھوں سے پتہ چل رہا ہے موصوف سونہیں پا رہے ورنہ جیل کےاسپتال شفٹ کرنا پڑے گا۔
فضل الرحمنٰ صاحب سے گزارش ہے فوری طور پر کسی ماہر نفسیات سے مشورہ کریں اعصابی تناؤ میں کمی کی دوائیاں لیں ان کی آنکھوں سے پتہ چل رہا ہے کہ موصوف راتوں کو سو نہیں پا رہے ورنہ ہمیں ان کو جیل کے ہسپتال شفٹ کرنا پڑے گا
— Ch Fawad Hussain (@fawadchaudhry) July 21, 2022
بنوں میں پریس کانفرنس کرتے ہوئے مولانا فضل الرحمان کا کہنا تھا کہ عمران خان اپنی حد میں رہیں ابھی جمعیت والے زندہ ہیں، شہری عمران خان کا ساتھ نہ دیں بلکہ میدان میں آکر ملک کی وفادار قوتوں کا ساتھ دیں۔
سربراہ پی ڈی ایم نے کہا کہ عمران خان کو آرام سے ایک لمحہ بھی نہیں گزارنے دیں گے، ہمیں ان کے آقاؤں کا اور ان کی ڈوریں ہلانے والوں کا پتا ہے، عمران خان کو اقتدار سے اتارنا پاکستان سے وفاداری ہے، تم اگر اقتدار میں آنے کی خواہش رکھتے ہو تو کبھی پوری نہیں ہوگی۔
