ایک خاتون نے اپنی دس سالہ بیٹی کو صفائی کی عادت سکھانے کئلیے انوکھا طریقہ اختیار کیا، بچی کے گندے موزے "آرٹ نمائش” میں رکھ دیے۔
گھر میں چاروں طرف پڑے بچوں کے گندے کپڑے اٹھانے میں والدین کو اکثر مشکلات کا سامنا کرنا پڑتا ہے، ایک ایسی ہی دلچسپ صورتحال زیپ کیمبل نامی خاتون کو ان کی دس سالہ بیٹی کسٹریل کے ساتھ پیش آئی۔
On the evening of Thanksgiving when I went to bed I noticed one of Kestrel’s socks on the bathroom floor. I decided not…
Posted by Xep Campbell on Wednesday, 2 December 2020
ان کے ذہن میں ایک مزاحیہ اور دلچسپ طریقہ آیا جس پر انہوں نے عمل کرتے ہوئے باتھ روم میں پڑے موزوں کی تصویریں بنائیں اور فیس بک پر پوسٹ کردیں، ان کی یہ پوسٹ اب 1.4 لاکھ سے زیادہ شیئرز کے ساتھ وائرل ہوگئی ہے۔
غیر ملکی خبر رساں ادارے کے مطابق خاتون ایک مزاحیہ اور تخلیقی آئیڈیا لے کر آئیں تاکہ اپنی بیٹی کو یہ سمجھا سکے کہ اب وقت آگیا ہے کہ وہ خود ہی کام کاج کرے، اس نے بچی کے گندے موزوں کا استعمال کرتے ہوئے ایک آرٹ نمائش تشکیل دی۔
فیس بک پر کی گئی پوسٹ خاتون نے بتایا کہ گزشتہ شام جب میں نے باتھ روم کے فرش پر کیسٹرل کے موزے پڑے دیکھے تو میں نے اس کو اٹھانے کے بجائے یہ دیکھنے کا فیصلہ کیا کہ یہ وہاں کب تک پڑے رہیں گے، یہ کام میں نے ایک تجربہ کے طور پر کیا۔ ایک ہفتہ گزرنے کے بعد بھی وہ موزے وہیں پائے جہاں اسے آخری بار دیکھے تھے۔
خاتون نے ان موزوں کی تصاویر بنائیں اور علامتی طور پر کچھ جانور نما کھلونے بھی ان موزوں کے پاس رکھ دیئے، سوشل میڈیا پر صارفین نے اس پوسٹ پر دلچسپی کا مظاہرہ کیا اور ماں بیٹی کے رشتے کی خوبصورتی کو اجاگر کیا۔
