پاکستان کی معروف اداکارہ مومنہ اقبال کو بھارت میں ایک پنجابی گلوکار بہت زیادہ پسند ہے۔
پاکستان کی معروف اداکارہ مومنہ اقبال نے ایک شو میں گفتگو کرتے ہوئے انکشاف کیا کہ بھارت کے پنجابی موسیقار بی پراک ان کی پسندیدہ شخصیت ہیں ان کے گانے ہمیشہ انہیں رلادیتے ہیں۔
View this post on Instagram
مومنہ اقبال نے کہا کہ ’ بھارت میں واحد پسندیدہ شخص بی پراک ہے، اگر میں اداس نہیں بھی ہوتی تو میں صرف ان کا گانا سن کر رونا شروع کر دیتی ہوں‘۔
بھارتی گلوکار بی پراک کے کنسرٹ میں خوفناک حادثہ
جب ان سے پوچھا گیا کہ وہ آج کل کونسا گانا سن رہی ہیں تو مومنہ اقبال نے کہا رنبیر کپور کی فلم ’اینیمل‘ کا ٹاپ گانا ’ساری دنیا جلا دیں گے‘ نے انہیں جذباتی کر دیا۔
واضح رہے کہ مومنہ اقبال اے آر وائی ڈیجیٹل کے ڈرامہ سیریل ’احسان فراموش‘ میں ’فلک‘ کا منفی کردار نبھا رہی ہیں جس کی دیگر کاسٹ میں ہمایوں اشرف، سلمان سعید، مشال خان، عتیقہ اوڈھو دیگر شامل ہیں۔
احسان فراموش کی ہدایت کاری کے فرائض سید فیصل بخاری نے انجام دیے جبکہ اس کی کہانی طاہر نذیر نے لکھی تھی۔
