شوبز انڈسٹری کی ابھرتی ہوئی اداکارہ مومنہ اقبال کی مزاحیہ ویڈیو سوشل میڈیا پر وائرل ہوگئی۔
فوٹو اور ویڈیو شیئرنگ ایپ انسٹاگرام پر مومنہ اقبال نے پنجابی ڈائیلاگ پر لپ سنکنگ کی دلچسپ ویڈیو شیئر کی جسے مداحوں کی جانب سے پسند کیا جارہا ہے۔
اداکارہ ڈائیلاگ کی ادائیگی کے دوران فون تھامے غصے میں ہونے کا تاثر دے رہی ہیں۔
مومنہ اقبال کہتی ہیں کہ ’لوگوں کے ریلیشن شپ میں اسپارک ہوتی ہے لیکن میرے ریلیشن میں چوبیس گھنٹے آگ ہی لگی رہتی ہے ایسا لگتا ہے یا تو وہ مجھے پھوڑ دے گا یا میں اسے پھوڑ دوں گی۔‘
اداکارہ نے چند گھنٹوں قبل ویڈیو شیئر کی جسے ہزاروں کی تعداد میں مداح دیکھ چکے ہیں اور اس پر اپنی رائے کا اظہار بھی کررہے ہیں۔
مومنہ اقبال نے گزشتہ دنوں بھی اسی طرح کی مزاحیہ ویڈیو شیئر کی تھی جو وائرل ہوگئی تھی۔
اداکارہ سوشل میڈیا پر کافی متحرک رہتی ہیں کہ اور گاہے بگاہے اپنی تصاویر شیئر کرتی رہتی ہیں جسے ان کے مداح بھی پسند کرتے ہیں۔
واضح رہے کہ مومنہ اقبال اے آر وائی ڈیجیٹل کے ڈرامہ سیریل ’سمجھوتہ‘ میں ’مہرین‘ کا کردار نبھا رہی ہیں۔
’سمجھوتہ‘ کی دیگر کاسٹ میں جاوید شیخ، صبا فیصل، شائستہ لودھی، عدیل چوہدری، علی انصاری، سدرہ نیازی، شازیل شوکت، زین بیگ ودیگر شامل ہیں۔
ڈرامے کی ہدایت کاری کے فرائض اسد اقبال نے انجام دیے ہیں جبکہ اس کی کہانی رخسانہ نگار نے لکھی ہے۔
