شوبز انڈسٹری کی معروف اداکارہ مومنہ اقبال کرکٹرز سے متعلق بیان پر وضاحت دیتے ہوئے غصے میں آگئیں۔
فوٹو اور ویڈیو شیئرنگ ایپ انسٹاگرام اسٹوریز میں اداکارہ مومنہ اقبال نے کرکٹرز کے میسجز سے متعلق بیان پر تفصیلی پیغام لکھا اور برہمی کا اظہار بھی کیا۔
انہوں نے لکھا کہ کرکٹرز کے بارے میں کوئی غلط بات نہیں کی، ان کی بات کو لے کر چند سوشل میڈیا پیجز نے جو نام کمانا تھا کما چکے، اس لیے اب سوچا کہ کچھ وضاحت کردیں۔
مومنہ اقبال نے لکھا کہ میں نے کسی بھی کرکٹر کا نام نہیں لیا تھا اور نہ ہی کسی سے متعلق کوئی غلط بات کی تھی، لوگ غیرضروری تنازعات پھیلا رہے ہیں۔
اداکارہ نے کہا کہ کرکٹرز سے متعلق پہلے سے ایک تنازع چل رہا تھا جس پر شو میں مجھ سے سوال کیا گیا اور میں نے اس کا جواب دیا۔
انہوں نے کہا کہ میں نے کسی کرکٹر یا کسی کے بارے ایسی کوئی غلط بات نہیں کی اور نہ ہی کوئی غلط بیان دیا کہ کسی نے مجھے چھیڑ دیا ہے اور اگر ایسا ہوتا تو میں خود ہی سب کو سیدھا کرسکتی ہوں۔
مومنہ اقبال نے کہا کہ ہماری عوام ان معاملات پر بولیں جہاں بولنے کی ضرورت ہے۔
اداکارہ نے مثال دی کہ حال ہی میں ٹرین میں اہلکار نے ایک خاتون پر تشدد کیا اور پھر ان کی لاش ملی، اس پر کسی نے بات نہیں کی، انہوں نے صرف اس پر ٹی وی چینل پر خبریں سنی۔
