تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

کورین منی ہائسٹ کا ٹیزر جاری

امریکی اسٹریمنگ سروس نیٹ فلکس کی جانب سے دنیا بھر میں مقبول ہسپانوی سیریز منی ہائسٹ کے کورین ورژن کا ٹیزر ریلیز کردیا گیا، کورین سیریز رواں برس جون میں ریلیز کی جائے گی۔

نیٹ فلکس کی مشہور ترین ہسپانوی سیریز منی ہائسٹ کی کامیابی کے بعد بین الاقوامی اسٹریمنگ سروس نے اس سیریز کا کورین ورژن ریلیز کرنے کا اعلان کیا ہے، منی ہائسٹ: کوریا جوائنٹ اکنامک ایریا نیٹ فلکس پر 24 جون کو ریلیز کی جائے گی۔

نیٹ فلکس پر موجود معلومات کے مطابق اس سیریز کی کہانی بالکل اوریجنل منی ہائسٹ جیسی ہی ہوگی اور اس میں بھی ایک پروفیسر بڑی ڈکیتیوں کے لیے نئے لوگوں کو بھرتی کرتے ہوئے نظر آئیں گے۔

نیٹ فلکس کی طرف سے جاری ٹیزر میں سیریز کے کسی کردار کو تو نہیں دکھایا گیا لیکن کورین زبان میں ایک آواز سنائی دیتی ہے، ایک چور جو معمولی رقم چوری کرتا ہے وہ یا تو مارا جاتا ہے یا پھر جیل چلا جاتا ہے، لیکن جو چور بڑی چوری کرتا ہے وہ دنیا بدل سکتا ہے اور ہیرو بھی بن سکتا ہے۔

ہسپانوی منی ہائسٹ کی طرح اس سیریز میں بھی سفید ماسک پہنے چوروں کو کسی بڑے بینک میں ڈاکا مارتے ہوئے دکھایا جائے گا۔

واضح رہے کہ ہسپانوی منی ہائسٹ کا پہلا سیزن 2017 میں آیا تھا اور اس کا پانچواں اور آخری سیزن گزشتہ سال 2021 میں ریلیز کیا گیا تھا۔

اس کے علاوہ دسمبر 2021 میں نیٹ فلکس کی جانب سے اعلان کیا گیا تھا کہ منی ہائسٹ میں پروفیسر کے بھائی کا کردار ادا کرنے والے برلن پر بنائی گئی فلم 2023 میں ریلیز کی جائے گی۔

Comments

- Advertisement -