لاہور: شہباز شریف اور حمزہ شہباز کے خلاف منی لانڈرنگ کا کیس میں ان کے وکلا کی عدم حاضری پر پی ٹی آئی رہنماؤں نے آڑے ہاتھوں لیا ہے۔
تفصیلات کے مطابق سماجی رابطے کی ویب سائٹ ٹوئٹر پر جاری اپنے بیان میں وزیراعظم کے معاون خصوصی برائے احتساب شہزاد اکبر نے کہا کہ آج ایف آئی اے منی لانڈرنگ کیس سے شہباز شریف کے وکلا غیر حاضر رہے امجد پرویز نے عدالت سے مہلت مانگی۔
آج FIA منی لانڈرنگ کیس سے شہباز شریف وکلا غیر حاضر، امجد پرویز نے عدالت سے مہلت مانگ لی۔
روز روز چالان مانگنے والے آج عدالت سے فرار
اب چابی بھری ترجمان کیا فرماتی ہیں ؟— Mirza Shahzad Akbar (@ShazadAkbar) December 24, 2021
شہزاد اکبر نے لکھا کہ نام لئے بغیر ترجمان نون لیگ مریم اورنگزیب کو تنقید کا نشانہ بناتے ہوئے لکھا کہ روز روز چالان مانگنے والے آج عدالت سے فرار ہیں، اب چابی بھری ترجمان کیا فرماتی ہیں ؟۔
پنجاب میں نون لیگ کو ٹف ٹائم دینے والے شہباز گل بھی اس موقع پر ٹوئٹر محاذ پر لکھا کہ آج منی لانڈرنگ کیس سے شہباز شریف کے وکلا غیر حاضر رہے، امجد پرویز نے عدالت سے مہلت مانگی، چھوٹی جھوٹی باجی کو اطلاع دینی تھی کہ شہباز شریف صاحب عدالت سے بھاگ رہےہیں، ان کے بقول یہ جھوٹے کیسز ہیں، انہیں تو عدالت کو درخواست کرنی چاہیے کہ روزانہ کی بنیاد پر سماعت ہو اور وہ”سرخرو”ہوں۔
آج FIA منی لانڈرنگ کیس سے شہباز شریف وکلا غیر حاضر
امجد پرویز نے عدالت سے مہلت مانگ لی
چھوٹی جھوٹی باجی کو اطلاع دینی تھی کہ شہباز شریف صاحب عدالت سے بھاگ رہےہیں
ان کے بقول یہ جھوٹے کیسز ہیں
انہیں تو عدالت کو درخواست کرنی چاہیے کہ روزانہ کی بنیاد پر سماعت ہو اور وہ
"سرخرو"
ہوں— Dr. Shahbaz GiLL (@SHABAZGIL) December 24, 2021
دوسری جانب لاہور کی بینکنگ کورٹ نے شہباز شریف اور حمزہ شہباز کے خلاف منی لانڈرنگ کیس میں عدالت کے دائرہ اختیار پر وکلا کو تیاری کے لیے حتمی مہلت دے دی ہے۔
آج ہونے والی سماعت میں بینکنگ کورٹ کے جج سردار طاہر صابر نے ایف آئی اے کی جانب سے دائرہ اختیار پر دائر اعتراض پر سماعت کی، وکلا نے کیس پر تیاری کے لیے مزید مہلت کی استدعا کی جس کو منظور کرتے ہوٸے عدالت نے سماعت چار جنوری تک ملتوی کر دی۔
عدالت نے قرار دیا کہ آٸندہ سماعت پر فریقین کے وکلاء عدالتی دائرہ اختیار پر دلائل مکمل کریں۔
واضح رہے کہ شوگر انکوائری منی لانڈرنگ کیس میں ایف آئی اے نے عدالت کے دائرہ اختیار پر اعتراضات اٹھائےتھے، جس میں کہا گیا تھا کہ بینکنگ کورٹ شہباز شریف اور حمزہ شہباز کی درخواست ضمانت پر سماعت نہیں کر سکتی۔
