لاہور: مسلم لیگ ق کے رہنما مونس الہی نے سوال کیا کیا پولیس والے ہمارے گھر سے بھارتی جاسوس ڈھونڈ رہے تھے؟
تفصیلات کے مطابق مسلم لیگ ق کے رہنما مونس الہی نے سماجی رابطے کی ویب سائٹ ٹوئٹر پر رہائش گاہ پر پولیس کے چھاپے کے حوالے سے بتایا کہ گزشتہ رات پولیس نے ہمارے گجرات کے گھر پر چھاپا مارا، نہ کوئی وارنٹ نہ کوئی کیس،پولیس کی پچیس گاڑیوں کی توسمجھ آتی ہے مگر ساتھ میں دو کالی ویگو کیا کررہی تھیں ؟ کیابھارتی جاسوس ڈھونڈ رہے تھے؟
کل رات پولیس نے ہمارے گجرات کے گھر پر ریڈ کی۔ نہ کوئی وارنٹ نہ کوئی کیس۔ پولیس کی 25 گاڑیوں کی تو سمجھ آتی ہے پر یہ ساتھ 2 کالے ویگو کیا کر رہے تھے؟ انڈین جاسوس ڈھونڈ رہے تھے ؟ pic.twitter.com/ykP5pOKBBD
— Moonis Elahi (@MoonisElahi6) February 1, 2023
یاد رہے گجرات میں سابق وزیراعلیٰ چوہدری پرویزالٰہی کی رہائشگاہ کنجاہ ہاؤس پرپولیس نے رات گئے چھاپہ مارا۔
پولیس کی بھاری نفری نے رات بھر پرویزالٰہی رہائش گاہ کو گھیرے میں لیے رکھا اور باہر پولیس کی متعدد گاڑیاں موجود رہیں۔
صبح سویرے پولیس اہلکار سیڑھی لگا کر گھر میں داخل ہوئےاور گھر کے ملازمین سے پوچھ گچھ کے بعد روانہ ہوگئے۔