لاہور : مسلم لیگ ق کے رہنما مونس الہی کا کہنا ہے کہ ہمارے گھر پر چھاپہ مار کر آپ کو لگتا ہے کہ ہم عمران خان کوچھوڑدیں گے؟دوبارہ سوچ لیں۔
تفصیلات کے مطابق مسلم لیگ ق کے رہنما مونس الہی نے سماجی رابطے کی ویب سائٹ ٹوئٹر پر پرویز الہی کے گھر پر پولیس کے چھاپے پر ردعمل دیتے ہوئے کہا کہ پولیس،ایف آئی اےاوردیگراداروں نے پھرچوہدری پرویز الہٰی کی رہائش گاہ پرچھاپہ مارا، بغیر وارنٹ کے چھاپے مارے جا رہے ہیں،ہمارے گھر پر چھاپہ مار کر آپ کو لگتا ہے کہ ہم عمران خان کوچھوڑدیں گے؟دوبارہ سوچ لیں۔
Police , Fia, and others again at Kunjah House . They keep raiding without warrant. By raiding our house you think you will make us leave @ImranKhanPTI . Think again!! pic.twitter.com/eumfhL0BaA
— Moonis Elahi (@MoonisElahi6) February 6, 2023
یاد رہے پولیس نے سابق وزیراعلیٰ پنجاب چوہدری پرویز الہٰی کے گھر پر چھاپہ مارا ، ایک گھنٹے سے زائد جاری رہنے والے اس محاصرے میں پولیس اور ایف آئی اے نے حصہ لیا۔ محاصرے کے دوران پرویز الہٰی کی فیملی کا کوئی فرد گھر میں موجود نہیں تھا البتہ رہائش گاہ پر کیپر اور ملازمین موجود تھے۔
محاصرے کے وقت ڈی پی او گجرات بھی موجود تھے، محاصرہ ختم ہونے کے بعد وہ میڈیا کے سوالوں کا جواب دئیے بغیر واپس چلے گئے۔
