کراچی: وزیر توانائی سندھ امتیاز شیخ نے کہا کہ کراچی میں مستحقین کو اب تک 1 لاکھ سے زائد راشن کے تھیلے پہنچائےگئے ہیں۔
تفصیلات کے مطابق صوبائی وزیر امتیاز شیخ کا کہنا ہے کہ شہر قائد میں 1لاکھ اور اندرون سندھ میں 3 لاکھ 50 ہزار تھیلے مستحقین کی دہلیز پر پہنچائےگئے۔
وزیر توانائی سندھ کا کہنا تھا کہ وزیراعلیٰ سندھ غریب، نادار، مستحقین کو دہلیز پر راشن پہنچانے کے لیے پرعزم ہیں،راشن تقسیم کسی بھی قسم کے سیاسی عمل دخل سے پاک ہے، متعلقہ ڈپٹی کمشنرز ضلعی کمیٹیوں کی مشاورت سے راشن تقسیم کر رہے ہیں۔
امتیاز شیخ کا کہنا تھا کہ اپوزیشن کی جانب سے ڈپٹی کمشنرز پر لگائےگئے الزامات سیاسی وتیرہ ہیں،ایسا ہوتا تو وفاق احساس پروگرام کی رقوم کی ترسیل ان ہی ڈپٹی کمشنرکو کیوں دیتا۔
انہوں نے مزید کہا کہ جہاں کہیں بھی جائز شکایت ملی تو ذمہ داروں کے خلاف کاروائی کی جائےگی، سندھ حکومت مارکیٹیں کھولنے سے متعلق فیصلہ مشاورت سے کرےگی۔
صوبہ سندھ میں گزشتہ 24 گھنٹوں کے دوران کرونا وائرس کے 93 نئے کیسز سامنے آئے ہیں، مجموعی طور پر سندھ میں اب تک 592 مریض صحت یاب ہو چکے ہیں۔
پاکستان میں کرونا وائرس سے مزید 8 اموات، ، تعداد143تک پہنچ گئی
واضح رہے کہ پاکستان میں کرونا سے مزید 8 افراد جان کی بازی ہار گئے ، جس کے بعد اموات کی تعداد 143 تک جا پہنچی ہے جبکہ کرونا کے تصدیق شدہ کیسز کی تعداد 7ہزار481 ہوگئی۔
