The news is by your side.

Advertisement

اسرائیل پر پابندیوں کیلئے پیٹیشن پر ڈھائی لاکھ سے زائد افراد نے دستخط کردیے

لندن : برطانوی پارلیمنٹ کی ویب سائٹ پرصیہونی ریاست اسرائیل پرپابندیوں کیلئےپٹیشن پر ڈھائی لاکھ سے زیادہ افراد نے دستخط کر دئیے۔

تفصیلات کے مطابق صیہونی ریاست اسرائیل کی جانب سے مقبوضہ فلسطین پر ڈھائے جانے والے مظالم اور حالیہ بربریت کے خلاف برطانوی عوام بھی بول پڑی۔

برطانوی عوام کی جانب سے پارلیمنٹ کی ویب سائٹ پر اسرائیل پر پابندیاں عائد کرنے کےلیے پیٹیشن دائر کی گئی ہے جس پر اب تک ڈھائی لاکھ سے زیادہ افراد دستخط کرچکے ہیں۔

نمائندہ اے آر وائی کا کہنا ہے کہ پیٹیشن اسرائیل کی حالیہ جارحیت کے بعد وائرل ہوگئی، جس مییں اسرائیل پر اقتصادی پابندیاں عائد کرنے کا مطالبہ کیا گیا ہے۔

پٹیشن کے متن میں کہا گیا ہے کہ اسرائیل کو اسلحے کی فروخت پر بھی پابندی لگائی جائے۔

رپورٹ میں بتایا گیا ہے کہ پٹیشن برطانوی پارلیمنٹ میں بحث کےلیے پیش ہونے کا امکان ہے کیوں ایک لاکھ دستخط ہونے پر کوئی بھی پٹیشن بحث کےلیے برطانوی پارلیمنٹ میں پیش کی جاتی ہے۔

مزید 35 شہید، اسرائیلی جارحیت سے شہید فلسطینیوں کی تعداد 181 ہو گئی

خیال رہے کہ قابض اسرائیلی فورسز نے آج مزید 35 فلسطینی شہید کر دیے، جس سے اسرائیلی جارحیت سے شہید فلسطینیوں کی تعداد 181 ہو گئی۔

ایک ہفتے سے اسرائیلی فورسز کا فلسطین میں وحشیانہ تشدد جاری ہے، فورسز آبادیوں پر بم باری کر رہی ہیں، اسرائیلی حملوں میں 725 گھر، 76 رہائشی، ار 63 سرکاری عمارتیں تباہ ہو چکی ہیں۔

Comments

یہ بھی پڑھیں