The news is by your side.

Advertisement

سعودی شہریوں نے ایک ہفتے میں کتنی خریداری کی؟ اعداد وشمار جاری

ریاض: ایک ہفتے کے دوران سعودی شہریوں نے کتنے اخراجات کئے اور سب سے زیادہ کن اشیا پر ریال صرف کئے، سعودی سینٹرل بینک نے اعدادوشمار جاری کردئیے ہیں۔

یہ اعداد وشمار سعودی سینٹرل بینک نے اٹھائیس فروری سے چھ مارچ تک کے جاری کئے گئے، رپورٹ میں بتایا گیا کہ شاپنگ سینٹرز میں کل کتنی مالیت کی اشیا خریدی گئی ہیں۔

اخبار 24 کے مطابق سینٹرل بینک نے بتایا کہ ایک ہفتے کے دوران 9.9 ارب ریال ( 91 ملین) خرچ کیے گئے ہیں جو کہ گذشتہ ہفتے کے مقابلے میں 34.6 فیصد زیادہ ہے۔

سینٹرل بینک کے مطابق گذشتہ اور رواں ہفتے میں اخراجات کا فرق 2.5 ارب ریال ہے۔

یہ بھی پڑھیں:  سعودی فرمانروا کی نایاب ویڈیو وائرل! سابق بادشاہ بھی ویڈیو میں نمایاں

اس کے علاوہ صارفین نے 1.72 ارب ریال کھانے پینے کی اشیا پر صرف کیے جبکہ دیگر امور پر 1.38 ارب ریال اور ریستورانوں و قہوہ خانوں میں 1.05 ارب ریال خرچ کیے، سامان اور خدمات پر 888.8 ملین ریال اس کے بعد سب سے زیادہ 789.3 ملین ریال صحت خدمات پر لگائے گئے۔

سعودی سینٹرل بینک کے مطابق 703.7 ملین ریال ملبوسات اور جوتوں، 539.6 ملین ریال ٹرانسپورٹ، 473.5 ملین پیٹرول اسٹیشنوں، 448 ملین تعمیرات، 425.9 ملین ریال فرنیچر اور 345.4 ملین ریال الیکٹرانک اور برقی آلات پر صرف کیے گئے۔

Comments

یہ بھی پڑھیں