جنیوا : عالمی ادارہ صحت (ڈبلیو ایچ او) نے کہا ہے کہ دنیا میں اپنی حالیہ رپورٹ میں انکشاف کیا ہے کہ دنیا میں سب سے زیادہ خود کشی کے واقعات افریقہ میں پیش آتے ہیں۔
خودکشی اپنی جان لینے کا ایک سفاکانہ عمل ہے، ایک تحقیق کے مطابق خودکشی موت کی 10ویں بڑی وجہ ہے جو ہر سال لاکھوں لوگوں کی موت کا سبب بنتی ہے۔
اس حوالے سے عالمی ادارہ صحت (ڈبلیو ایچ او) کی جانب سے جاری کردہ ایک رپورٹ میں دنیا بھر میں رونما ہونے والے خود سوزی و خودکشی کے اعداد و شمار کا خلاصہ پیش کیا گیا ہے۔
غیر ملکی خبر رساں ادارے کی رپورٹ کے مطابق دنیا بھر میں خود کشی کرنے کے واقعات کی معلومات سے آگاہی حاصل کی تو یہ نتیجہ اخذ کیا گیا کہ افریقہ وہ خطہ ہے جہاں یہ شرح 11 فیصد تک ہے جو کہ عالمی شرح سے کہیں زیادہ ہے۔
رپورٹ میں یہ بھی واضح کیا گیا ہے کہ افریقہ میں 5 لاکھ افراد کے لیے ایک ماہر نفسیات ہے جو کہ عالمی ادارہ صحت کے معیار کے مطابق 100گنا کم ہے۔
خودکشی کا رویہ اپنانے سے کیا مراد ہے؟
خود کشی کے رویے سے مراد اپنی زندگی کو ختم کرنے سے متعلق بات کرنا یا کوشش کرنا ہے، خوکشی کے خیالات اور طرز عمل کو نفسیاتی ایمرجنسی سمجھا جاتا ہے۔
اگر آپ یا آپ کا کوئی جاننے والا اس قسم کے خیالات کا اظہار کررہا ہے تو آپ کو فوری طور پر کسی قابل ماہر نفسیات سے رابطے کی ضرورت ہے۔
وہ عوامل جو خودکشی کی وجہ بن سکتے ہیں
عام طور پر خودکشی کرنے کی کوئی ایک وجہ نہیں ہوتی ایسے کئی عوامل ہیں جو خودکشی کے خطرے کو بڑھا سکتے ہیں جیسے کہ ڈپریشن دماغی صحت کے خطرے کا ایک سب سے بڑا عنصر ہے۔
اس کے علاوہ ناکامی اور ناامیدی چاہے کسی بھی قسم کی ہو آیا یہ محبت میں ناکامی ہو یا کرئیر میں انسان میں مایوسی کا سبب بنتی ہے۔
خود کشی کے دیگر عوامل میں بچپن میں کسی بھی قسم کی زیادتی یا صدمہ کا شکار ہونا بھی شامل ہے ایسے افراد بھی خودکشی کرنے کی کوشش میں ملوث پائے گئے ہیں۔
