کراچی : قیوم آباد میں فائرنگ سے ہلاکت کا معاملے پر اہم پیش رفت سامنے آئی ہے، عینی شاہد نے ویڈیو بیان میں پورا واقعہ بیان کردیا۔
تفصیلات کے مطابق گزشتہ روز کراچی کے علاقے قیوم آباد میں موٹر سائیکل سوار نوجوان کی فائرنگ سے ہلاکت کا واقعہ پیش آیا تھا۔
عینی شاہد حسن نے اپنے ویڈیو بیان میں بتایا کہ میں اپنے کزن رمضان کے ساتھ گھر واپس جارہا تھا، اس دوران ہم ایک موٹر سائیکل سوار کو راستہ نہیں دے سکے تھے۔
- Advertisement -
حسن کے مطابق اچانک موٹرسائیکل سوار دوسری طرف سے گزارنے والی گاڑی سے ٹکرا کر گرگیا، جس کے بعد وہ موٹرسائیکل سوار اٹھ کر دوبارہ ہماری طرف آیا اور پستول نکال کر فائرنگ کردی۔
فائرنگ سے رمضان کے سر پر ایک گولی لگی اور وہ موقع پر ہی دم توڑگیا جبکہ ملزم فرار ہوگیا، مقتول رمضان شیرشاہ میں کام کرتا تھا، ہم دونوں کام سے واپس گھرجارہے تھے۔
