پشاور: خیبر پختونخواہ حکومت نے موٹر سائیکل فائر فائٹر سروس شروع کرنے کا فیصلہ کرلیا۔ برقت طبی امداد کے لیے منی ایمبولینس بھی لائی جائے گی۔
تفصیلات کے مطابق دنیا بھر کی طرح صوبہ خیبر پختونخواہ میں بھی آگ بجھانے کے لیے موٹر سائیکل فائر فائٹر سروس متعارف کروائی جائے گی۔
موٹر سائیکل فائر فائٹر سسٹم سے تنگ گلیوں میں آتش زدگی سمیت کسی بھی قسم کے ہنگامی آپریشن میں فوری مدد ملے گی۔ سسٹم میں 35 لیٹر پانی اور آگ بجھانے کے دیگر آلات ہوں گے۔
ڈی جی ریسکیو کے مطابق مریضوں کو برقت طبی امداد کے لیے منی ایمبولینس بھی لائی جارہی ہے جس میں جدید آلات، ایمرجنسی یونٹ اور فرسٹ ایڈ دی جائے گی۔
مزید پڑھیں: خیبر پختونخواہ میں خواتین کے لیے علیحدہ بس سروس
یاد رہے کہ صوبہ خیبر پختونخواہ میں انفراسٹرکچر کے متعدد شعبوں میں کام کیا جارہا ہے۔
صوبے میں ماس ٹرانزٹ ٹرانسپورٹ سسٹم پر بھی کام جاری ہے جس کے تحت خواتین کے لیے علیحدہ بس سروس شروع کی جارہی ہے۔
