کراچی : موٹر سوار ملزمان تاجر سے مبینہ طور پر 25 لاکھ روپے لوٹ کر فرار ہوگئے ، تاجرنےکلفٹن میں نجی بینک سےرقم نکالی تھی۔
تفصیلات کے مطابق کراچی میں شہری کہیں محفوظ نہیں رہے، صدر ریگل چوک کے قریب تاجر سے مبینہ طور پر 25 لاکھ روپے لوٹ لئے گئے۔
پولیس نے بتایا کہ عبدالرحمان نامی تاجر بینک سے رقم لے کردکان کی جانب جارہا تھا کہ موٹرسائیکل سوار ڈاکو رقم لوٹ کر فرار ہوئے۔
پولیس کا کہنا تھا کہ تاجر نے کلفٹن میں نجی بینک سے رقم نکالی تھی، تاجر کے ہاتھ میں ایک بیگ اور ٹفن تھا، ڈاکوؤں نے تاجر کو پہلے دھکا دیا اور پھر رقم لوٹ کر فرار ہوگئے۔
پولیس حکام نے کہا ہے کہ واردات کی مزید تفتیش کی جارہی ہے۔
یاد رہے اس سے قبل گلستان جوہر میں موٹر سائیکل سوار 2 ملزمان نے نجی یونیورسٹی کی وین کو لوٹ لیا تھا، ملزمان طالبات کے پرس سے موبائل فون، نقدی اور دیگر سامان لوٹ کر فرار ہوگئے تھے۔
یونیورسٹی کی وین میں 4 طالبات سمیت ایک استاد بھی سوار تھے، ملزمان نے تسلی سے واردات کی طالبات کے پرس سے پیسے بھی نکالے اور جاتے ہوئے گاڑی کی چابی نکال کر دور پھینک دی تھی۔
