پاکستان ڈیموکریٹک موومنٹ کے سربراہ مولانا فضل الرحمٰن نے پختونخواہ ملی عوامی پارٹی کے سربراہ محمود خان اچکزئی سے ملاقات کی ہے۔
جیسے جیسے پی ڈی ایم کے لانگ مارچ کی تاریخ قریب آرہی ہے ویسے ویسے متحدہ اپوزیشن کے رہنماؤں کی سرگرمیاں بڑھتی جارہی ہیں۔
پاکستان ڈیموکریٹک موومنٹ اور جے یو آئی (ف) کے سربراہ مولانا فضل الرحمٰن نے پختونخواہ ملی عوامی پارٹی کے سربراہ محمود خان اچکزئی سے ملاقات کی ہے۔
جے یو آئی ترجمان کے مطابق اس ملاقات میں دونوں رہنماؤں نے ملکی سیاسی صورتحال پر گفتگو کی اور حکومت مخالف تحریک پر مشاورت کی گئی۔
مولانا فضل الرحمٰن نے محمود خان اچکزئی کو اب تک حکومت کے خلاف اپوزیشن کے اقدامات سے آگاہ کیا۔
ترجمان جے یو آئی اسلم غوری کے مطابق ملاقات میں دونوں رہنماوں میں حکومت مخالف تحریک تیز کرنے پر اتفاق کیا۔
Comments
- Advertisement -
