The news is by your side.

Advertisement

جاپان نے ماؤنٹ ایورسٹ پر جوڈو سینٹر قائم کردیا

کھٹمنڈو: جاپان نے جوڈو کو فروغ دینے کے لئے دنیا کی بلند ترین چوٹی پر انوکھا اہتمام کیا ہے۔

بین الاقوامی میڈیا رپورٹ کے مطابق نیپال میں سطح سمندر سے تقریباً چار ہزار میٹر بلند اسکول میں جوڈو کی مشق کے لیے ایک ہال کھولا گیا ہے، یہ ہال جاپان کے قومی جوڈو ٹیم کے کوچ اور اولمپک گولڈ میڈلسٹ اینوئے کوسے کی سربراہی میں غیر سرکاری تنظیم نے کھولا ہے۔

کُھم جُنگ نامی گاؤں کے اسکول میں یہ ہال بنایا گیا ہے جو سطح سمندر سے 3 ہزار 790 میٹر بلند ہے، جوڈو کے لئے ضروری سامان تاتامی میٹ اور پریکٹس ویئر کے پچاس پچاس سیٹ ٹرک اور ہیلی کاپٹر کے ذریعے کھٹمنڈو سے گزشتہ ہفتے یہاں پہنچائے گئے تھے۔

غیر ملکی میڈیا کے مطابق اسکول تک جانے والی سڑک کا آخری حصہ گاڑیوں کی آمد و رفت کے لیے بہت تنگ تھا جس کے باعث طلبا نے 10 کلوگرام سے زائد وزنی ایک ایک میٹ اپنے سروں پر اٹھا کر اسکول تک پہنچایا، میٹ بچھاتے ہی بچے خوشی سے نہال ہوگئے اور انہوں نے فوراً کھیل کی مشق شروع کردی۔

مزید پڑھیں:  کمسن بچے نے والد کی پھنسی گاڑی کو ریسکیو کرلیا، ویڈیو وائرل

جس جگہ یہ ہال بنایا گیا ہے، اس سے قبل اس کمرے کو کمپیوٹر کلاسز کے لئے استعمال کیا جاتا تھا، تنظیم کا کہنا ہے کہ بلند ترین چوٹی پر جوڈو ہال کھولنے کا مقصد نیپال اور جاپان کے درمیان کھیلوں کو فروغ دینا ہے۔

Comments

یہ بھی پڑھیں