کراچی: ایم کیوا یم اور اے پی ایم ایس او کے کارکنان کی بلاجواز گرفتاریوں کے خلاف ایم کیو ایم کے احتجاجی دھرنے کا رخ وزیر اعلیٰ ہاؤس کی جانب موڑ دیا۔
احتجاجی دھرنے میں ایم کیو ایم رابطہ کمیٹی کے اراکین، منتخب نمائندے،ایم کیو ایم کے لاپتہ اور اسیر کارکنان کے اہل خانہ اور دھرنے میں بزرگ، خواتین اور بچے بھی شامل ہیں۔
احتجاجی دھرنے کے شرکاء دو دن سے کراچی پریس کلب کے سامنے اپنے پیاروں کی بازیابی اور رہائی کیلئے دھرنہ دیئے ہوئے تھیں لیکن حکومت کے عدم توجہ کے باعث اب احتجاجی دھرنے کے شرکاء وزیر اعلیٰ ہاؤس کے سامنے احتجاجی دھرنہ دیں گے۔
ایم کیو ایم کے رہنما کنورنوید کا کہنا ہے کہ لاپتہ کارکنوں کے لواحقین کی شنوائی نہیں ہورہی ہے جس کے باعث سی ایم ہاؤس جانے کافیصلہ جائز ہے۔
