The news is by your side.

Advertisement

الطاف حسین، فاروق ستار سمیت 200 افراد کے ناقابل ضمانت وارنٹ گرفتاری جاری

کراچی : انسداد دہشتگردی کی عدالت نمبر ایک نے متحدہ قومی موومنٹ کے قائد الطاف حسین اور رہنما فاروق ستار سمیت دو سو سے زائد افراد کے ناقابل ضمانت وارنٹ گرفتاری جاری کردئیے.

انسداد دہشت گردی کی عدالت نمبر ایک میں شرانگیز تقاریر اور دہشت گردوں کے سہولت کار ہونے کے مقدمے کی سماعت ہوئی، عدالت نے متحدہ قومی موومنٹ کے قائد الطاف حسین، فاروق ستار وسیم اختر، یم کیوایم رہنمارشیدگوڈیل،لیڈیزونگ کی خوش بخت شجاعت سمیت دو سو سے زائد افراد کے ناقابل ضمانت وارنٹ گرفتاری جاری کردیئے۔

وارنٹ گرفتاری شرانگیز تقاریر کرنے اور دہشتگردوں کے سہولت کار ہونے کے نو سے زائد مقدمات پر جاری کیے گئے ہیں، وارنٹ گرفتاری میں ایم کیو ایم رابطہ کمیٹی کے اہم اراکین، ممبر قومی و صوبائی اسمبلی کے نام بھی شامل ہیں۔

ایم کیو ایم رہنما اور نامزد میئر کراچی وسیم اختر اور سابق صوبائی وزیر داخلہ رؤف صدیقی پہلے ہی عدالتوں سے عبوری ضمانت حاصل کرچکے ہیں، اس سے پہلے دس سے زائد مقدمات کے چالان عدالت میں پیش کیے گئے.

Print Friendly, PDF & Email

Comments

comments

یہ بھی پڑھیں