متحدہ لندن کے 14 کارکنان جوڈیشل ریمانڈ پرجیل روانہ ARYNews.tv
The news is by your side.

Advertisement

متحدہ لندن کے 14 کارکنان جوڈیشل ریمانڈ پرجیل روانہ

کراچی: عزیز آباد میں ہنگامہ آرائی کرنے کے الزام میں گرفتار متحدہ قومی موومنٹ لندن کے درجنوں کارکنان کے خلاف مقدمہ درج کرلیا گیا، حیدرآباد کی انسداد دہشت گردی کی عدالت نے 14 کارکنوں کو جوڈیشل ریمانڈ پرجیل بھیج دیا۔

تفصیلات کے مطابق گزشتہ روز عزیز آباد کے علاقے لیاقت علی خان چوک پر ہنگامہ آرائی، وال چاکنگ اور جھنڈے لگانے کے الزام میں گرفتار متحدہ قومی موومنٹ لندن کے 15 کارکنان کے خلاف عزیز آباد پولیس نے مقدمہ درج کر لیا۔

مقدمہ سرکارکی مدعیت میں عزیز آباد تھانے میں درج کیا گیا ہے جس میں بلوہ، ہنگامہ آرائی اوراشتعال انگیزی کی دفعات لگائی گئی ہیں۔

یاد رہے کہ جمعے کو متحدہ لندن کے کارکنوں نے یاد گارشہداء پر حاضری سے روکنے پر نائن زیرو کےاطراف سڑک بلاک کرکے احتجاج کیا تھا۔

دریں اثناء حیدر آباد پکا قلعہ میں ہنگامہ آرائی کے الزم میں انسداد دہشت گردی کی عدالت نے متحدہ لندن کے 14 کارکنان کو جوڈیشل ریمانڈ پرجیل بھیج دیا۔

ملزمان پر ہنگامہ آرائی اور انسداد دہشت گردی ایکٹ کے تحت مقدمہ درج کیا گیا ہے۔ یوم شہدا کے موقع پر حیدر آباد میں پکا قلعہ پر مہاجر شہداء کی قبروں پر جانے والے ایم کیو ایم لندن کے کارکنان کے خلاف پولیس نے دہشت گردی ایکٹ اور ہنگامہ آرائی کرنے کے الزام میں مقدمہ درج کیا تھا۔ مقدمے میں پولیس نے 14 کارکنان کو گرفتار کیا۔

Comments

comments

یہ بھی پڑھیں