کراچی : ایم کیو ایم لندن کے انتہائی مطلوب دہشت گرد حامد پیا کو گرفتار کرلیا گیا ، ملزم 1994 سے اپریل 2014 تک ٹارگٹ کلنگ میں ملوث رہا ہے۔
تفصیلات کے مطابق کراچی میں رینجرزاورڈسٹرکٹ سٹی پولیس نے عیدگاہ میں مشترکہ کارروائی کرتے ہوئے ایم کیو ایم لندن کے انتہائی مطلوب دہشت گرد حامد پیا کو گرفتار کرکے دستی بم برآمد کرلیا۔
ترجمان رینجرز نے بتایا کہ حامدپیا 2009 تک ایم کیو ایم حقیقی کے لئےکام کر تارہا، 2009 کے بعد ملزم ایم کیو ایم لندن گروپ میں شامل ہو گیا، ملزم کراچی میں لسانی، سیاسی اورمخالفین کی ٹارگٹ کلنگ میں ملوث ہے جبکہ ڈکیت گروہ کا سرغنہ بھی رہا ہے۔
ترجمان کا کہنا تھا کہ ملزم 1994 سے اپریل 2014 تک ٹارگٹ کلنگ میں ملوث رہا ہے اور پولیس اہلکار کی ٹارگٹ کلنگ میں ملوث ہونے کا بھی اعتراف کیا۔
رینجرز نے کہا کہ ملزم نے2007سے 2008تک اپنے ساتھیوں کے ہمراہ کراچی میں وارداتیں کیں، مختلف علاقوں میں بینک ڈکیتیاں کیں اور 4 جیولری شاپس سے 123 تولہ سونا لوٹا جبکہ قیمتی سامان سے بھر ے کنٹینرز کو بھی لوٹا۔
ترجمان کے مطابق ملزم کا لیاری گینگ وار کے ساتھ بھتہ وصولی میں بھی ملوث ہونےکا انکشاف سامنے آیا ، ملزم ایم کیو ایم لندن اور لیاری گینگ وار کو ہتھیار فراہم کرتا تھا جبکہ درجنوں کلاشنکوف، ایل ایم جی اور ہزاروں ایمو نیشن بھی سپلائی کی، یہ ہتھیار کراچی میں دہشت گردی کے لئے استعمال ہوتے رہے۔
ملزم 2014 سے سکھر، پشاور، اسلام آبادمیں روپو ش رہ چکاہے، اس کے خلاف مختلف تھانو ں میں11ایف آئی آرزبھی درج ہیں تاہم ملزم کے دیگر ساتھیوں کی گرفتاری کے لئے چھاپے مارے جا رہے ہیں اور ملزم کو قانونی کارروائی کے لیے پولیس کے حوالے کر دیا گیا ہے۔
