The news is by your side.

Advertisement

ایم کیو ایم کے رکن اسمبلی اسامہ قادری کا کرونا ٹیسٹ مثبت آگیا

کراچی: ایم کیو ایم پاکستان کے رکن قومی اسمبلی حافظ اسامہ قادری کا کرونا ٹیسٹ مثبت آگیا۔

اے آر وائی نیوز کی رپورٹ کے مطابق ایم کیو ایم پاکستان کے رکن قومی اسمبلی حافظ اسامہ قادری اور ان کے بیٹے میں کرونا وائرس کی تصدیق ہوگئی۔

رکن قومی اسمبلی اسامہ قادری نے پارلیمنٹ لاجز میں خود کو قرنطینہ کرلیا، وہ کراچی کے این اے 253 سے رکن قومی اسمبلی منتخب ہوئے تھے۔

اسامہ قادری کا کہنا تھا کہ میں اسلام آباد میں ہوں اور بیٹا کراچی میں ہے، فی الحال کوئی علامات ظاہر نہیں ہوئی ہے، سیلف آئسولیشن اختیار کرلی ہے۔

مزید پڑھیں: ایم کیو ایم رہنما فیصل سبزواری کو کرونا کی تشخیص

واضح رہے کہ دو روز قبل ایم کیو ایم پاکستان کے رہنما فیصل سبزواری نے بتایا تھا کہ اُن کا کرونا ٹیسٹ مثبت آیا ہے، انہوں نے تمام لوگوں سے دعاؤں میں یاد رکھنے کی خصوصی درخواست کی تھی۔

چند روز قبل ایم کیو ایم کی رکن صوبائی اسمبلی شاہانہ اشعر میں وائرس کی تصدیق ہوئی تھی۔

یاد رہے کہ اس سے قبل سندھ کے وزیر تعلیم سعید غنی اور گورنر سندھ عمران اسماعیل بھی کرونا وائرس میں مبتلا ہوکر صحت یاب ہوچکے ہیں۔

واضح رہے کہ اس سے قبل این سی او سی نے ایک رپورٹ جاری کی تھی جس میں کہا گیا تھا کہ ملک میں24گھنٹے کے دوران کرونا وائرس سے97افراد انتقال کرگئے ہیں جس کے بعد ملک میں کرونا سے انتقال کرنے والوں کی مجموعی تعداد1935ہوگئی۔

fb-share-icon0
Tweet 20

Comments

comments

یہ بھی پڑھیں