17.1 C
Ashburn
ہفتہ, مئی 25, 2024
اشتہار

فوارہ چوک دور نہیں، دھرنا صرف مؤخر کیا ہے، مصطفیٰ کمال

اشتہار

حیرت انگیز

کراچی : متحدہ قومی موومنٹ پاکستان کے رہنما مصطفی کمال نے کہا ہے کہ دھرنے کی کال اپنی جگہ موجود ہے، اس کو وقتی طور پر مؤخر کیا ہے فوارہ چوک دور نہیں۔

یہ بات انہوں نے اپنے ایک بیان میں کہی، انہوں نے کہا کہ صوبائی حکومت نے کراچی کی کم یوسیز کو درست کرنے کا لیٹر جاری کیا۔

مصطفی کمال نے کہا کہ اگرایم کیوایم الیکشن میں چلی جاتی تو ہمارا یہ مؤقف غلط ثابت ہوجاتا، امید ہے کہ پیپلزپارٹی کی صوبائی حکومت جلد نئی یوسیز کا لیٹر جاری کرے گی۔

- Advertisement -

ان کا کہنا تھا کہ نئی یوسیز بنانے کا اختیار مکمل صوبائی حکومت کا استحقاق ہے، مردم شماری کے بعد اگلی حلقہ بندیاں ان نئی یوسیز کو ملا کر بڑھائی جائیں گی۔

متحدہ رہنما نے واضح کیا کہ فوارہ چوک پر احتجاجی دھرنے کی کال اپنی جگہ موجود ہے،اس کو وقتی طور پر مؤخر کیا ہے، امید ہے کہ معاملات افہام تفہیم سے حل ہوجائیں گے اور اگر نہیں تو فوارہ چوک زیادہ دور نہیں ہے۔

مزید پڑھیں : ایم کیو ایم کا دھرنا مؤخر کرنے کا اعلان

واضح رہے کہ ایم کیو ایم پاکستان کے کنوینئر خالد مقبول صدیقی نے گزشتہ ہفتے اپنے ایک بیان میں کہا تھا کہ دھرنا ختم کرنے کے باوجود ہم اپنا مطالبہ کسی صورت ختم نہیں کریں گے، ایم کیو ایم دوبارہ دھرنا دینے کا حق محفوظ رکھتی ہے دھرنے کی تاریخ کا اعلان سوچ کر کریں گے۔

Comments

اہم ترین

ویب ڈیسک
ویب ڈیسک
اے آر وائی نیوز کی ڈیجیٹل ڈیسک کی جانب سے شائع کی گئی خبریں

مزید خبریں