site
stats
پاکستان

ایم کیو ایم اور وفاقی حکومت کے مذاکرات التوا کا شکار

اسلام آباد: متحدہ قومی موومنٹ اور وفاقی حکومت کے درمیان استعفوں کے معاملے پر مذاکرات التوا کا شکار ہوگئے۔

حکومت کی جانب سے مولانا فضل الرحمن جو کہ حکومت اورایم کیو ایم کے درمیان سہولت کار کے فرائض انجام دے رہے تھے انہیں حکومت کی جانب سے پیر کو ملاقات کی یقین دہانی کرائی گئی تھی۔

یقین دہانی کے باوجود مولانا فضل الرحمن کی وزیر اعظم نواز شریف سے ملاقات کی تمام تر کوششیں ناکام ہوگئیں۔

ملاقات میں ایم کیو ایم کی شکایت کے ازالے کے لئے شکایات ازالہ کمیٹی کے قیام کے مسودے پر دستخط ہونے تھے۔

واضح رہے کہ متحدہ قومی موومنٹ نے 12 اگست 2015 کو کراچی میں جاری آپریشن پراپنے تحفظات کا اظہار کرتے ہوئے سینٹ ، قومی اسمبلی اور سندھ اسمبلی کی نشستوں سے استعفیٰ دیا تھا۔

مولانا فضل الرحمن سہولت کار کی حیثیت سے ایم کیو ایم کے مرکز 90 آئے تھے اور ایم کیو ایم کو وفاقی حکومت سے مذاکرات پر آمادہ کیا تھا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top