ایم کیو ایم پاکستان کے رہنما رؤف صدیقی نے کہا ہے کہ فیصل واوڈا کے معاملے پر پارٹی میں اختلافات کی خبریں غلط ہیں۔
اے آر وائی نیوز کے مطابق متحدہ قومی موومنٹ کے رہنما رؤف صدیقی نے کراچی میں میڈیا سے گفتگو کرتے ہوئے کہا ہے کہ ایم کیو ایم پاکستان کے رہنما رؤف صدیقی نے کہا ہے کہ فیصل واوڈا کے معاملے پر پارٹی میں اختلافات کی خبریں غلط ہیں۔ انہیں پہلے بھی کہا تھا کہ ایم کیو ایم جوائن کر لیں۔
انہوں نے کہا کہ فیصل واوڈا غریبوں اور متوسط طبقے کی بات کرتے ہیں، وہ ایک انقلابی لیڈر ہیں اور ان کا سینیٹ الیکشن میں آزاد حیثیت میں امیدوار ہونا سیاسی مصلحت ہے۔
رؤف صدیقی نے کہا کہ دعا ہے کہ ایسے انقلابی لوگ پارٹی میں آئیں اور اللہ کرے فیصل واوڈا منتخب ہوں۔
ایم کیو ایم رہنما کا یہ بھی کہنا تھا کہ پارٹی فیصلہ کرے گی الیکشن کون لڑے گا، چھپ کر ووٹ نہیں دیں گے، کوئی چوری نہیں کر رہے، جب ووٹ دیں گے تو سب کو بتائیں گے۔