The news is by your side.

Advertisement

ایم کیو ایم رجسٹریشن منسوخی کیس، ہائی کورٹ نے وفاق اور الیکشن کمیشن کو نوٹس بھیج دیا

لاہور : ہائی کورٹ نے ایم کیو ایم کی بطور سیاسی جماعت کی حیثیت سے رجسٹریشن کی منسوخی کے لئے دائر درخواست پر وفاقی حکومت اور الیکشن کمیشن کو نوٹس جاری کرتے ہوئے جواب طلب کر لیا۔

تفصیلات کے مطابق لاہور ہائیکورٹ کے چیف جسٹس سید منصور علی شاہ نے درخواست کی سماعت کی۔  درخواست گزار آفتاب ورک ایڈووکیٹ نے عدالت کو بتایا کہ  آئین کے تحت سیاسی جماعت کا محب وطن ہونا لازم ہے جبکہ ایم کیو ایم کے قائدین کے حالیہ بیانات سے ثابت ہوچکا ہے کہ یہ جماعت اب محب وطن نہیں ہے۔

پڑھیں:   الیکشن کمیشن نے ایم کیو ایم پر پابندی کی درخواست خارج کردی

درخواست میں مؤقف اختیار کیا گیا ہے کہ ’’عوامی نمائندگی ایکٹ کے تحت ملک مخالف سرگرمیاں کرنے پر کسی بھی سیاسی جماعت کی رجسٹریشن منسوخ کی جا سکتی ہے۔ ایم کیو ایم کے قائدین کے بیانات کی روشنی میں ایم کیو ایم کی سیاسی جماعت کی حیثیت سے رجسٹریشن منسوخ کرنے اور اس کے اراکین پارلیمنٹ کو نااہل قرار دینے  کے احکامات صادر کئے جائیں۔

مزید پڑھیں: پی ٹی آئی رہنما علی زیدی کا ایم کیو ایم پر پابندی کے لئے آرمی چیف کو خط

چیف جسٹس لاہور ہائی کورٹ نے درخواست گزار کے وکیل کا مؤقف سننے کے بعد  وفاقی حکومت اور الیکشن کمیشن کو 20 ستمبر کے لئے نوٹس جاری کرتے ہوئے جواب طلب کر لیا۔

یاد رہے ایم کیو ایم پر پابندی کے حوالے سے الیکشن کمیشن میں بھی درخواست دائر کی گئی تھی جس پر گزشتہ روز مدعی کو طلب کیا گیا تھا تاہم کیس کی پیروی نہ کرنے پر الیکشن کمیشن نے پابندی کی درخواست مسترد کردی۔

 

Print Friendly, PDF & Email

Comments

comments

یہ بھی پڑھیں