پشاور : ایوب ٹیچنگ اسپتال سے ایم آر آئی مشین کی مبینہ چوری کا معاملہ کے پی اسمبلی کی قائمہ کمیٹی نے نوٹس لے لیا، اتنی بڑی اور وزنی مشین کوزمین کھاگئی یا آسمان نگل گیا۔
تفصیلات کے مطابق خیبرپختونخوا میں ایم آرآئی مشین کے غائب ہونے کا انوکھا اور حیرت انگیز واقعہ سامنے آیا۔
اتنی بڑی اور وزنی مشین کوزمین کھا گئی یا آسمان نگل گیا، ایوب ٹیچنگ اسپتال سے ایم آرآئی مشین کی مبینہ چوری کا معاملہ کے پی اسمبلی کی قائمہ کمیٹی نے نوٹس لے لیا۔
اجلاس میں سیکرٹری اور ڈی جی صحت کی غیرحاضری پر کمیٹی ارکان نے برہمی کا اظہار کیا۔
چیئرمین کمیٹی مشتاق غنی نے محکمہ صحت کے اہلکاروں کو اجلاس سے نکال دیا اور کہا ہم یہ ماننے کو تیار نہیں کہ ایم آر آئی مشین گم ہوئی ہے۔
ان کا کہنا تھا کہ اتنے اہم اجلاس میں سیکرٹری اور ڈی جی صحت کی غیر حاضری ناقابل برداشت ہے، آئندہ کسی افسر کی غیرحاضری برداشت نہیں کریں گے۔
خیال رہے سال 2023 کی آڈٹ رپورٹ میں بھی ایوب میڈیکل کمپلیکس میں دو کروڑ روپے کی مالی بے ضابطگیاں سامنے آئی تھیں۔
اس حوالے پی ٹی آئی رہنما مشتاق غنی نے اے آر وائی نیوز کے پروگرام باخبر سویرا میں گفتگو کرتے ہوئے کہا ایوب میڈیکل کمپلیکس کی بدقسمتی ہے یہاں کوئی مستقل اسٹاف نہیں آتا، ایوب میڈیکل کمپلیکس میں بی او جی سسٹم ہے،صوبائی حکومت کاعمل دخل محدود ہے۔
مشتاق غنی کا کہنا تھا کہ ایوب میڈیکل کمپلیکس کی آڈٹ رپورٹ پی اےسی میں دیکھی جائے گی، جو بے ضابطگیاں سامنے آئی ہیں اب ہم انہیں چھوڑیں گے نہیں۔
انھوں نے مزید کہا کہ وزیراعلیٰ کے پی چاہتے ہیں ایسی بے ضابطگیوں کا سدباب ہو، بے ضابطگیوں میں ملوث افراد سے ریکوری کی جائے گی۔
رہنما پی ٹی آئی کی تنقید کرتے ہوئے کہا کہ پنجاب میں لوٹ مار کا بازار گرم ہے، کے پی میں ایسی صورت حال نہیں، کے پی میں گڈ گورننس ہے اور کوئی کرپشن نہیں، کرپشن کرنے والوں کوسزا دے کر ریکوری کی جاتی ہے۔
