کراچی : سابق چیئرمین رویت ہلال کمیٹی مفتی منیب الرحمان کا کہنا ہے کہ عیدالفطر کے حوالے سے کافی قوی اطلاعات آچکی ہے کہ آج چاند نظر نہیں آئے گا۔
تفصیلات کے مطابق سابق چیئرمین رویت ہلال کمیٹی مفتی منیب الرحمان نے شوال کے چاند کے حوالے سے کہا ہے کہ مرکزی رویت ہلال کمیٹی فیصلہ کرنے سے پہلے تمام امور کا جائزہ لے کیونکہ عیدالفطر کے حوالے سے کافی قوی اطلاعات آچکی کہ آج چاندنظر نہیں آئے گا۔
خیال رہے مرکزی رویت ہلال کمیٹی کااجلاس آج اسلام آباد میں ہوگا ، چیئرمین رویت ہلال کمیٹی مولاناعبدالخبیر آزاد صدارت کریں گے۔
زونل کمیٹیوں کے اجلاس صوبائی ہیڈ کوارٹرز میں ہوں گے، اجلاس میں شوال کے چاند کی رویت کا فیصلہ ہوگا۔
آج ملک بھر میں شوال کا چاند نظر آنے کے امکانات انتہائی کم ہونے کی اطلاعات ہیں ، محکمہ موسمیات کے مطابق سورج گرہن کے سبب پاکستان سمیت مختلف ممالک میں چاند نظر نہیں آئے گا۔
