سکھر : سندھ کی سرزمین کا قابل فخر بیٹا محمد علی میرانی جو اپنی جان کو ہتھیلی پر رکھ کر لوگوں کی پریشانیاں دور کرنے کی کوشش کرتا ہے۔
محمد علی میرانی دریائے سندھ اور مختلف بیراجوں پر لوگوں کو ڈوبنے سے بچانے اور اور بہہ جانے والی لاشوں کو دریا سے نکالنے کا کام کئی سال سے کررہا ہے۔
سندھ کا یہ سپوت اپنے ساتھیوں کے ہمراہ اس نیکی کے کام کا نہ تو کوئی معاوضہ لیتا ہے اور نہ ہی کسی رعایت کا طلبگار ہے۔ اس کا مقصد صرف انسانیت کی خدمت کرنا ہے۔
اے آر ائی نیوز سے گفتگو کرتے ہوئے محمد علی میرانی نے بتایا کہ مین بچپن سے ہی تیرنے کا شوق رکھتا ہوں میں یہ کام کرکے خوشی محسوس ہوتی ہے۔
محمد علی میرانی کی والدہ کا کہنا تھا کہ میرا بیٹا یہ کام کرتے ہوئے اپنی جان کی بھی پرواہ نہیں کرتا، بندہ چاہے زندہ یو یا مرجائے وہ اسے دریا سے باہر نکال کر لے آتا ہے۔
محمد علی میرانی کے اس کارنامے اور خدمات کے اعتراف میں محکمہ آبپاشی نے اسے دو ماہ کیلئے اعزازی نوکری بھی ہے۔
محکمہ کے ایک افسر نے اپنی گفتگو میں کہا کہ یہ نوجوان سرکاری اور ایدھی کے رجا کاروں کے ساتھ بھی مکمل تعاون کرتے ہوئے ان کا ہاتھ بھی بٹاتا ہے۔
انہوں نے کہا کہ میری حکومت سے اپیل ہے کہ محمد علی میرانی کی ان خدمات پر اس کی مالی مدد کرے تاکہ اس کو حوصلہ مزید بلند ہو۔
