تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

ٹیسٹ کرکٹ سے ریٹائر منٹ کیوں لی؟ محمد عامر نے بتادیا

کراچی: قومی ٹیم کے فاسٹ بولر محمد عامر نے ٹیسٹ کرکٹ سے ریٹائر منٹ لینے سے متعلق بڑا انکشاف کردیا ہے۔

تفصیلات کے مطابق اے آر وائی نیوز سے خصوصی گفتگو کرتے ہوئے کراچی کنگز کے مایہ ناز بولر محمد عامر نے کہا کہ پاکستان کے لئے وائٹ بال کھیلنا چاہتا تھا، مگر مجھے ٹیسٹ کرکٹ سے ریٹائرمنٹ کی بات پر ٹارچر کیا گیا۔

قومی ٹیم کے فاسٹ بولر کا کہنا تھا کہ اس سارے معاملے میں کون کون ملوث ہے؟، اس کے لئے پرسوں اہم پریس کانفرنس کرنے جارہا ہوں، جس میں اہم اعلان کرونگا۔اس سے قبل فاسٹ بولر کے قریبی ذرائع کا کہنا تھا کہ قومی ٹیم کے فاسٹ بولر محمدعامر ریٹائر نہیں ہورہے ہیں، مگر محمد عامر موجودہ سیٹ اپ کےتحت نہیں کھیلنا چاہتے۔Allah Hidayat Dai -Mohammad Amir takes a dig at Waqar Younisقریبی ذرائع کا مزید کہنا تھا کہ محمد عامر نے بولنگ کوچ وقاریونس کےبیان پر ردعمل دیا ہے۔

واضح رہے کہ تیرہ دسمبر کو قومی کرکٹ ٹیم کے بولنگ کوچ وقاریونس نے کہا تھا کہ محمد عامر ورک لوڈ کےباعث ٹیم سے باہر نہیں ہوئے بلکہ وہ پرائیوٹ لیگ بھی تو کھیل رہے ہیں، انہوں نے کہا کہ عامر کا ٹیسٹ کرکٹ نہ کھیلنا ان کا ذاتی فیصلہ ہے۔

یہ بھی پڑھیں: وقار اور عامر کے ایک دوسرے کو ‘باؤنسر

جب ایک صحافی نے ٹوئٹر پر عامر سے ٹیسٹ کرکٹ چھوڑنے سے متعلق سوال کیا تھا فاسٹ بولر نے ردعمل دیتے ہوئے کہا کہ وجہ تو وقار یونس ہی بتا سکتے ہیں، وقار یونس کے بیان پر محمد عامر نے ردعمل دیتے ہوئے کہا کہ اللہ ہدایت دے جو ایسی سوچ رکھتے ہیں۔

Comments

- Advertisement -