محمد عامر نے بابر اعظم کی کاکردگی کو تنقید کانشانہ بناتے ہوئے کہا ہے کہ جب ذمہ داری لینے کا وقت آیا تو بابر اعظم میدان چھوڑ گئے۔
ایک انٹرویو میں ان کا کہنا تھا کہ بھارت کے خلاف پاکستانی کپتان اپنی پوری اننگز کے دوران دباؤ میں نظر آئے، جب ذمہ داری لینےکا وقت آیا تو بابر اعظم نے ذمہ داری نہیں لی۔
سابق پیسر کا کہنا تھا کہ بابراعظم اور رضوان نے ایسا اسٹیج تو خود سیٹ کیا، مڈل آرڈر بیٹرز کو بھارت کے خلاف شکست پر مورد الزام نہیں ٹھہرایا جا سکتا۔
2107 میں چیمپئنز ٹراف جیتنے والی ٹیم کا حصہ رہنے والے عامر نے کہا کہ بابر کے مقابلے میں ویرات کوہلی کو زیادہ ریٹ اس لیے دیتا ہوں کیونکہ کوہلی خود ہی کھیل کر میچ کو فنش کرتے ہیں اور یہ ایک بڑے پلیئر کی نشانی ہے۔
محمد عامر کا کہنا تھا کہ اگر ہمیں پتا ہے کہ وکٹ صحیح ہے تو ہمیں ہٹ کر نا پڑتا ہے اور چانسز لینا پڑتے ہیں تاکہ رنز اسکور ہوسکیں۔
پیسر نے میچ کے حوالے سے کہا کہ مجھے 3 سے 4 اوورز کے بعد پتہ چلا کہ کلدیپ یادیو کے کور پوائنٹ پر کوئی فیلڈر موجود نہیں تھا لیکن اس کے باوجود ہمارے کھلاڑیوں نے چانس نہیں لیا۔
واضح رہے کہ آل راؤنڈر ہاردک پانڈیا نے بھی میچ کے بعد اپنے بیان میں کہا تھا کہ بابر اور رضوان کی اننگز کے دوران ہم پریشان نہیں تھے کیونکہ وہ ڈر کر کھیل رہے تھے اور ہم پر امید تھے اگر ان میں سے ایک بھی آؤٹ ہوا تو وکٹوں کا دروازہ کھل جائے گا۔
