بھارتی کرکٹ ٹیم کے سابق کپتان محمد اظہرالدین نے بھارتی کرکٹ ٹیم کے آئی سی سی ٹرافی اٹھانے کے حوالے سے بڑا دعویٰ کیا ہے۔
تین ون ڈے ورلڈکپ میں ٹیم انڈیا کی قیادت کرنے والے محمد اظہرالدین کا کہنا ہے کہ اس بار آئی سی سی ایونٹ جیتنے کے لیے بھارتی ٹیم فیوریٹ ہے۔ اس وقت ٹیم نے تینوں شعبوں میں شاندار کارکردگی دکھائی ہے چاہے وہ بیٹنگ ہو، بولنگ ہو یا فیلدنگ ہو۔
انھوں نے کہا کہ روہت شرما کی قیادت میں بلیو شرٹس اس بار ورلڈکپ جیت کر آئی سی سی ٹرافی جیتنے کا قحط کرسکتے ہیں۔ بھارتی کرکٹ ٹیم 2013 سے اب تک کوئی عالمی ایونٹ نہیں جیت سکی۔
اظہرالدین نے 99 ٹیسٹ اور 334 ون ڈے میچز میں بھارتی ٹیم کی نمائندگی کا اعزاز حاصل کیا ہے۔ اس وقت وہ سیاست کے میدان میں اپنی اننگز جاری رکھے ہوئے ہیں۔
انڈیا کے سابق کرکٹر اس وقت 30 نومبر سے ہونے والے تلنگانہ اسمبلی کے انتخابات کی تشہیر میں مصروف ہیں جہاں وہ کانگریس کے ٹکٹ پر الیکش لڑ رہے ہیں۔
واضح رہے کہ بھاتی ٹیم آئی سی سی ورلڈکپ میں اب تک ناقابل شکست ہے اور اس نے اپنے تمام کے تمام 9 گروپ میچز میں کامیابی حاصل کی ہے۔ اسے کل 15 نومبر کو سیمی فائنل میں کیوی ٹیم کا سامنا کرنا ہے۔