دبئی : ٹیسٹ کرکٹر محمد حفیظ نے بنگلہ دیش پریمیئر لیگ میں ڈھاکہ کی ٹیم کے ساتھ معاہدے پر دستخط کر لئے ہیں، وہ ڈھاکہ ڈائنامنائٹس کی نمائندگی کریں گے.
متحدہ عرب امارات میں ہونے والی انگلینڈ کے خلاف سیریز کے اختتام کے بعد محمد حفیظ نے بی پی ایل میں ڈھاکہ کی ٹیم کے ساتھ معاہدہ کیا ہے، جس کے بعد وہ بنگلہ دیش کے لئے روانہ ہوں گے اور ڈھاکہ کی نمائندگی کرتے ہوئے محمد عامر کی ٹیم کے خلاف اپنا پہلا میچ کھیلیں گے۔
محمد حفیظ نے امید ظاہر کی کہ وہ اپنی پرفارمنس کے ذریعے اپنی ٹیم کو کامیابیاں دلوائیں گے.
