وفاقی وزیر نہ بنانے پر محمد میاں سومرو ناراض، حلف اٹھائے بغیر کراچی واپس -
The news is by your side.

Advertisement

وفاقی وزیر نہ بنانے پر محمد میاں سومرو ناراض، حلف اٹھائے بغیر کراچی واپس

اسلام آباد : تحریک انصاف کے رہنما محمد میاں سومرو وفاقی وزیر نہ بنانے پر ناراض ہوگئے، وزیر مملکت کا حلف اٹھائے بغیر واپس کراچی پہنچ گئے۔

تفصیلات کے مطابق سابق چیئرمین سینیٹ اور پی ٹی آئی کے رہنما محمد میاں سومرو نے وزیر مملکت بننے سے انکار کردیا اور احتجاجاً حلف برداری کی تقریب میں شرکت کیے بغیر واپس کراچی پہنچ گئے۔

باوثوق ذرائع کے مطابقمحمد میاں سومرو کو وفاقی وزیر کے بجائے وزیر مملکت برائے نجکاری بنانے کا فیصلہ کیا گیا تھا جسے انہوں نے ماننے سے انکار کردیا۔

اس حوالے سے ان کے قریبی ذرائع نے بتایا کہ محمد میاں سومرو اس سے قبل دو بار چیئرمین سینیٹ، قائم مقام صدر سمیت گورنر سندھ جیسے اہم ترین عہدوں پر بھی فائز رہ چکے ہیں لہٰذا ان کا مؤقف ہے کہ محض وزیر مملکت کا عہدہ ان کیلئے نامناسب ہے۔

مزید پڑھیں: وفاقی کابینہ کے 6 نئے وزراء نے حلف اٹھا لیا

علاوہ ازیں وفاقی کابینہ میں چھ نئے وزراء کو شامل کیا گیا ہے، علی محمد خان، عمر ایوب اور علی زیدی وفاقی وزیر بن گئے ہیں جبکہ مراد سعید ،محمد شبیرعلی، محمد حماد اظہر نے وزیر مملکت کاحلف اٹھایا، وزراء کے محکموں کا اعلان بعد میں کیا جائے گا۔

Comments

comments

یہ بھی پڑھیں