The news is by your side.

Advertisement

ٹیسٹ سیریز سے قبل پاکستان ٹیم کو بڑا دھچکا

پرتھ: ٹی ٹوئنٹی سیریز میں شکستوں سے چور پاکستانی ٹیم کو ٹیسٹ سیریز سے قبل بڑا دھچکا لگ گیا۔ دورہ آسٹریلیا کے لیے اسکواڈ میں شامل واحد وکٹ کیپر محمد رضوان زخمی ہوگئے۔

تفصیلات کے مطابق آسٹریلیا ’اے‘ کے خلاف ٹور میچ میں بیٹنگ کے دوران وکٹ کیپر بیٹسمین محمد رضوان کے انگوٹھے پر گیند لگی تاہم ابتدائی طبی امداد کے بعد انہوں نے بلے باز جاری رکھی۔

آسٹریلوی اننگز میں پاکستانی بولنگ کے دوران فاسٹ بولر شاہین شاہ آفریدی کی زور دار گیند محمد رضوان کے ہاتھ پر لگی جس سے وہ شدید تکلیف کے باعث میدان سے باہر چلے گئے۔

محمد رضوان کے زخمی ہونے کی وجہ سے عابد علی نے وکٹ کیپر کی ذمہ داری ادا کی۔

یہ بھی پڑھیں: پاکستانی بولرز نے آسٹریلیا اے کے پرخچے اڑا دئیے

پی سی بی نے فی الحال محمد رضوان کی انجری کی نوعیت کے بارے میں کچھ نہیں بتایا تاہم ڈاکٹرز کے مشورے سے انہیں آرام دیا گیا ہے۔

واضح رہے کہ پاکستان اور آسٹریلیا کے دوران دو میچوں کی ٹیسٹ سیریز کا پہلا میچ 21 نومبر کو کھیلا جائے گا اور محمد رضوان کے علاوہ اسکواڈ میں کوئی مستند وکٹ کیپر موجود نہیں ہے۔

Comments

comments

یہ بھی پڑھیں