پاکستان کرکٹ ٹیم کے وکٹ کیپر بیٹسمین محمد رضوان نے نیوزی لینڈ کے خلاف ٹرائی سیریز کے فائنل میں ٹی ٹوئنٹی ورلڈکپ کے میچز کے لیے نئی شرٹ کا انتخاب کر لیا۔
تفصیلات کے مطابق آسٹریلیا میں کھیلے جانے والے ٹی ٹوئنٹی ورلڈ کپ کے میچز میں محمد رضوان اب ایک نئی شرٹ پہن کر کھیلیں گے، جس پر ان کے نام کا پہلا حصہ ’محمد‘ پرنٹ کیا گیا ہے، تاہم ان کے شرٹ کا نمبر 16 ہی رہے گا۔
انھوں نے یہ شرٹ نیوزی لینڈ کے خلاف فائنل میچ میں بھی پہنی۔
یاد رہے کہ سہ ملکی ٹی ٹوئنٹی سیریز کے فائنل میں نیوزی لینڈ کو شکست دے کر پاکستان نے سیریز جیت لی ہے۔
سہ ملکی ٹی ٹوئنٹی سیریز کے فائنل میں نیوزی لینڈ نے پاکستان کو جیت کیلئے 164 رنز کا ہدف دیا جسے پاکستان نے آخری اووز میں 5 وکٹوں کے نقصان پر حاصل کرکے سیریز اپنے نام کر لی۔
واضح رہے کہ آئی سی سی ٹی ٹوئنٹی ورلڈکپ کل سے آسٹریلیا میں شروع ہو رہا ہے، پاکستان نے برسبین میں 2 وارم اپ میچز 17 اور 19 اکتوبر کو کھیلنے ہیں جب کہ پہلا میچ 23 اکتوبر کو بھارت کے خلاف کھیلنا ہے۔
