ابوظبی: قومی کرکٹ ٹیم کے وکٹ کیپر محمد رضوان نے ٹی ٹوئنٹی کرکٹ میں اہم سنگ میل عبور کرلیا ہے۔
تفصیلات کے مطابق دبئی کے انٹرنیشنل اسٹیڈیم میں ٹی ٹوئنٹی کا سب سے بڑا میچ جاری ہے، جہاں دو روایتی حریف پاکستان اور انڈیا گروپ میچ میں مدمقابل ہے۔
واضح رہے کہ آج کے میچ سے قبل ان کو سو کیچز مکمل کرنے کے لیے مزید ایک کیچ کی ضرورت تھی، انہوں نے 100واں کیچ سوریا کمار یادیو کا پکڑا، سوریا کمار یادیو کی وکٹ حسن علی نے حاصل کی۔
پاکستانی وکٹ کیپر بیٹسمین اس سال مجموعی طور پر سب سے زیادہ ٹی ٹوئنٹی رنز کا ریکارڈ بھی اپنے پاس رکھتے ہیں ساتھ ساتھ انہوں نے اس سال اب تک انٹرنیشنل کرکٹ کے تینوں فارمیٹ میں مجموعی طور پر 1189 رنز بنائے ہیں جو رواں برس کسی بھی کرکٹر کے سب سے زیادہ رنز ہیں۔
یاد رہے کہ محمد رضوان کو پچھلے سال انگلینڈ میں شان دار کارکردگی پر وزڈن فائیو 2021 میں شامل کیا گیا ہے، محمد رضوان کو یہ اعزاز وکٹوں کے پیچھے اور بیٹنگ میں کارکردگی دکھانے پر دیا گیا، انھوں نے 3 ٹیسٹ میچز میں 161 رنز بنائے اور 5 کیچز پکڑے تھے۔
View this post on Instagram
