کراچی : آئی جی سندھ غلام حیدر جمالی نےخدشہ ظاہرکیا ہے کہ محرم الحرام کے جلوسوں کے دوران پانی کی سبیلوں میں زہرملائے جانے کا خطرہ ہے۔
محرم الحرام کے جلوسوں کی سیکیورٹی سے متعلق وزیرِاعلی سندھ کی زیرِصدارت اہم اجلاس ہوا، آئی جی سندھ غلام حیدرجمالی نے بتایا کہ جلوسوں میں پانی کی سبیلوں میں زہرملائے جانے کا خطرہ ہے، اس کے ساتھ ہی قانون نافذ کرنے والے اداروں کی گاڑیوں پرحملے بھی ہوسکتے ہیں.
آئی جی سندھ نے بتایا کہ ایک سو اٹھاسی ماتمی جلوس انتہائی حساس ہیں، ماہ محرم میں چونسٹھ ہزار سے زائد پولیس اہلکار امام بارگاہوں اور جلوسوں کی حفاظت پرمعمور کئے جائیں گے، محرم کے دوران پولیس کو رینجرز کی مدد بھی حاصل ہوگی۔
ڈی جی رینجرزنے بھی وزیراعلی سندھ کو بریفنگ دی، وزیرِاعلی سندھ نے پولیس اور رینجرز کو محرم الحرام کے دوران سیکیورٹی اقدامات ہر صورت موثربنانے کی ہدایت کی۔
0
20
