اے آر وائی ڈیجیٹل کے ڈرامہ سیریل ’مجھے پیار ہوا تھا‘ میں ’نیلو‘ کا کردار نبھانے والی اداکارہ رابعہ کلثوم نے ڈرامے کے سیٹ سے تصویر شیئر کردی۔
فوٹو اور ویڈیو شیئرنگ ایپ انسٹاگرام پر اداکارہ رابعہ کلثوم نے تصویر شیئر کی جس میں وہاج علی ہانیہ عامر اور انہیں خوشگوار موڈ میں دیکھا جاسکتا ہے۔
اداکارہ نے تصویر شیئر کرتے ہوئے کیپشن میں لکھا کہ ’مبارک ہو رخصتی ہوگئی۔‘ اداکارہ نے ’مجھے پیار ہوا تھا‘ کا ہیش ٹیگ بھی استعمال کیا۔
واضح رہے کہ ’مجھے پیار ہوا تھا‘ میں ہانیہ عامر (ماہیر) اور وہاج علی (سعد) کی رخصتی ہوئی ہے جبکہ ڈرامے میں رابعہ کلثوم ’سعد کی بہن کا کردار نبھا رہی ہیں۔
اداکارہ نے چند گھنٹوں قبل تصویر شیئر کی جسے ہزاروں کی تعداد میں مداح دیکھ چکے ہیں اور ڈرامے میں ان کے کردار کی تعریف کررہے ہیں۔
ڈرامہ سیریل ’مجھے پیار ہوا تھا‘ کی دیگر کاسٹ میں زاویار نعمان (اریب)، شہود علوی، سلمیٰ حسن، سبینہ سید، نور الحسن، جاوید شیخ، انجلین ملک، وشما فاطمہ، عائشہ مرزا، امبر خان، شاہین خان ودیگر اداکاری کے جوہر دکھا رہے ہیں۔
ڈرامے کی کہانی سدرہ سحر عمران نے لکھی ہے جبکہ اس کی ہدایت کاری کے فرائض بدر محمود نے انجام دیے ہیں۔
