یمن کے حضرموت گونریٹ کے المکلا شہر میں اماراتی ہلال احمر کی جانب سے طویل ترین افطار دسترخوان کا اہتمام کیا گیا، جس میں لگ بھگ 3ہزار افراد نے شرکت کی۔
بین الاقوامی خبر رساں ادارے کی رپورٹ کے مطابق خور المکلا شاہراہ پر قائم دسترخوان میں مختلف عمر اور طبقات سے تعلق رکھنے والے مقامی افراد اور رضاکار بڑی تعداد میں شریک ہوئے۔
شہر کے کاروباری خاندانوں کے تعاون سے المکلا کے نوجوانوں کی جانب سے دسترخوان کا اہتمام کیا گیا جس کا مقصد معاشرے میں اخوت اور بھائی چارگی، رمضان میں محبت اور امداد کے جذبات کو فروغ دینا ہے۔
مقامی نوجوانوں اور کاروباری خاندانوں کی کوششوں سراہتے ہوئے اماراتی ہلال احمر کے حضر موت میں جاری منصوبوں کے نگران انجینئر حامد سالم قوایا نے مستقبل میں بھی مقامی افراد کے تعاون سے اسے جاری رکھنے کے عزم کا اعادہ کیا۔
مسجد نبویؐ میں رمضان کے پہلے ہفتے لاکھوں زائرین کی حاضری
واضح رہے المکلا کے نوجوانوں کی جانب سے اماراتی ہلال احمر کے تعاون سے افطار دسترخوان کا اہتمام شہر میں امدادی کاموں کا تسلسل ہے جس کا مقصد سماجی ہم آہنگی کو فروغ دینا ہے۔
