نئی دہلی : بھارت کے امیر ترین شخص مکیش امبانی نے اپنے پرانے ملازم کو پندرسو کروڑ یعنی پچاس ارب پاکستانی روپے مالیت کی پراپرٹی تحفے میں دے دی۔
تفصیلات کے مطابق بھارت کے امیر ترین شخص مکیش امبانی کی اپنے ملازم پر مہربانیوں کی بارش کردی اور اربوں کی جائیداد کا تحفہ دے دیا۔
مکیش امبانی نے اپنے پرانے ملازم کو پندرسو کروڑ یعنی پچاس ارب پاکستانی روپے مالیت کی پراپرٹی تحفے میں دے دی۔
بھارتی میڈیا نے بتایا کہ یہ پراپرٹی ممبئی کے پوش علاقے نیپیئن سی روڈ پر واقع ہے، بائیس منزلہ عمارت ایک اعشاریہ سات لاکھ مربع فٹ کے رقبے پر پھیلی ہوئی ہے، اس بلڈنگ کی سات منزلیں صرف کار پارکنگ کے لیے مختص کی گئی ہیں۔
منوج مودی کو مکیش امبانی کا سیدھا ہاتھ بھی کہا جاتا ہے جو انڈسٹری کے اہم فیصلوں میں مکیش امبانی کو مشورے دیتے ہیں۔
خیال رہے رواں ماہ مکیش امبانی 83.4 ارب ڈالر کی جائیداد کے ساتھ ایک مرتبہ پھر ایشیاء کے سب سے امیر شخص بن گئے تھے، دنیا کے امیروں میں وہ 9ویں نمبر پر ہیں۔
