بھارت کے عظیم تاجر مکیش امبانی نے اپنی اہلیہ نیتا امبانی کے ہمراہ مشہور فٹبالر ڈیوڈ بیکہم کی ممبئی میں اپنی رہائش گاہ پر شاندار میزبانی کی۔
ڈیوڈ بیکہم یونیسیف کے خیر سگالی کے سفیر ہیں وہ 3 روزہ دورے پر آئی سی سی ورلڈ کپ کے پہلے سیمی فائنل میں بھارت پہنچے تھے۔
تاہم خیر سگالی کے سفیر نے دورہ بھارت کے دوران سونم کپور کی پارٹی میں شرکت کی جہاں بالی وڈ کے کئی پرستار بھی پہنچے اور لیجنڈ فٹبالر کے ساتھ تصاویر بھی شیئر کی۔
View this post on Instagram
بھارتی میڈیا کے مطابق ڈیوڈ بیکہم کا امبانی خاندان کی جانب سے بھی شاندار استقبال کیا گیا، فٹبالر کو گزشتہ روز ’اینٹیلیا‘ میں دیکھا گیا تھا۔
سوشل میڈیا پر وائرل تصویر میں مکیش، نیتا، آکاش، ایشا، شلوکا مہتا، اور رادھیکا مرچنٹ کے ساتھ فٹبالر کو ممبئی انڈینز کی 7 نمبر جرسی کے ساتھ پوز دیتے ہوئے نظر آئے۔
View this post on Instagram
اس کے علاوہ ڈیوڈ کو انڈیا بمقابلہ نیوزی لینڈ کے سیمی فائنل میں سچن ٹنڈولکر سے بھی ملتے دیکھا گیا تھا، یہی نہیں انہوں نے بالی ووڈ کے جوڑے سدھارتھ ملہوترا اور کیارا ایڈوانی کے ساتھ بیٹھ کر میچ کا لطف اٹھایا۔
سوشل میڈیا پر فٹبالر ڈیوڈ بیکہم کی ایک ویڈیو بھی منظر عام پر آئی ہے جس میں انہیں گاڑی میں منت پر جاتے دیکھا جا سکتا ہے۔ اس پارٹی میں بالی ووڈ کے کئی ستاروں کو بھی مدعو کیا گیا تھا۔
